Divisional Secretariat - Thirukkovil

எமது குறிக்கோள்

பொது மக்கள் அரச, அரச சார்பற்ற நிறுவனங்களின் பங்களிப்பு, வள ஒருங்கிணைப்பு மற்றும் சிறப்பான செயற்பாட்டுத் தன்மை கொண்ட பிரதேச மட்ட நிர்வாகத்துடன் கூடிய வகையில் வினைத்திறனானதும் நிலைத்திருக்கத் தக்கதும் நன்கு திட்டமிட்டதுமான அபிவிருத்தி செயன்முறையூடாக இப்பிரதேச மக்களின் வாழ்க்கைத்தரத்தை அதிகரித்தல்.

பிரதேச செயலகத்தின் தோற்றம்

1968 இல் திருக்கோவிலுக்கென்று  தனியான சுற்றுலா பிரிவுக்காரியாதிகாரி கந்தோர் ஒன்று தம்பிலுவில் கிராமாட்சி மன்ற கட்டடத்தில் ஆரம்பமானது. அவ்வேளை இத் திருக்கோவில் பிரதேச காரியாதிகாரி மூன்று கிராம சேவக பிரிவுகளாக பிரிக்கப்பட்டிருந்தது தம்பிலுவில் வடக்கு, தம்பிலுவில் கிழக்கு, திருக்கோவில் போன்றவையாகும் பின்னர் விநாயகபுரம் கிராமசேவையாளர் பிரிவு 01-02-1977 ஆம் ஆண்டு பிரிக்கப்பட்டு நிர்வாகம் நடைபெற்றுவந்தது அதன் பின்னர் பல அரசியல் தலையீடுகள் காரணமாக திருக்கோவிலுக்கென தனியானதோர் காரியாலயம் உருவாக்கப்பட்டது திருக்கோவிலில் அரச கட்டடங்கள் இல்லாத காரணத்தினால் தனியார் கட்டடம் ஒன்றில் நடாத்தப்பட்டது.
                              மறைந்த பாராளுமன்ற உறுப்பினரும் அரசியல் அதிகாரயுமான எம்.கனகரெத்தினம் அவர்களின் அயராத உழைப்பினால் தனியான கட்டடம் ஒன்று 1978 ஆம் ஆண்டு கட்டப்பட்டதுடன் அதன் பெயரும் மாற்றம் பெற்று உதவி அரசாங்க அதிபர் அலுவலகமாகவும் பின்னர் பிரதேச செயலகமாகவும் நடைபெற்று வந்தது. இதில் முதன் முதலாக மறைந்த திரு.எஸ்.வி.ஆர் வேதநாயகம் அவர்கள் உதவி அரசாங்க அதிபராக பல வருடங்களாக கடமையாற்றி வந்துள்ளார் 1983 இல் தனியான புதியதோர் கட்டடத்திற்கு மாற்றப்பட்டு செயற்பட்டு வந்தது. 1989 ஆம் ஆண்டு ஜனசக்தி நிகழ்ச்சி திட்டம் செயற்பாட்டிற்கு வந்தபோது 4 கிராம சேவகர் பிரிவுகளும் 22 கிராம சேவையாளர் பிரிவுகளாக பிரிக்கப்பட்டு இத் திட்டம் செயற்பட ஆரம்பித்தது 02.10.1993 பிரதேச செயலகம் உருவாக்கபம் பெற்று திரு.மே.இராஜசெல்வகுமார் (இ.நி.சே) அவர்கள் பிரதேச செயலாளராக நியமனம் பெற்று கடமையாற்றினர்.